السلام عليكم ورحمة الله وبركاته
طرق لمحاربة الطفش ^_^>>للبنات فقط
لأن الأولاد من يزهقوا ياخذوا مفتاح السيارة ويطلعو يفرفروا
1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة
2- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي؟!؟!؟
3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انك بتصلعين على هالحالة
4-امسكي المسجل..ودوري فيه بالبيت وسجلي اصوات العائلة وهم يسولفون وسجلي صوت شخير الوالد وسجلي صوت الهواشات وكل شي..
5-روحي السوبر ماركت وامسكي العربية ودوري فيها وصقعي بخلق الله وقولي :اووه آسفة مادريت
6-امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي)
7-تحدي نفسك تقعدين نص ساعة كاملة بدون ماتتكلمين مع اي احد او تفتحين فمك..نص ساعة طبعا بوجود الجميع (مااحد يقدر يسويها)
8-امسكي منشفة وفكي الشبابيك ونظفيهم
9-سوي عصير برتقال واشربيه ؟؟؟
10-اقري مجلة اطفال (ميكي وماجد)
11-البسي ملابس رجال ثوب وغترة وخرعي اهلك !!
12-افتحي نوتة التلفونات واختاري ارقام من العائلة ودقي عليهم وسوي حركة صلة رحم..
13-نظفي ماسنجرك...سوي ديليت للناس اللي من زمان عنهم مادخلوا..وبلوك للناس الثقيلين الدم
14-روحي مواقع بطاقات وكاردات وارسلي لصديقاتك ..
15-الفي مسجات جوال ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..
16-ادخلي غرفتك وحطي مكياج كاامل كانك رايحة لعرس ولطخي وجهك تلطخ وتصوري ..حركة صح؟
17-امسكي دفتر تلوين اطفال واقعدي لوني ...
18-اذا زهقتي افتحي دولاب ملابسك واقعدي قيسي ملابسك بدلة ورا الثانية< يمكن يجي الصبح ماخلصتي من كثرهم
19-روحي المطبخ سوي كيكة (هذا وجهي اذا احد اكلها)
20-سوي ايميل جديد واقعدي العبي على اللي تعرفينهم ..
21-تعلمي لغة غريبة..مثلا كلمات معنية باحد اللغات واقعدي اكشخي فيهم وتفلسفي بهم
22-اركبي السيارة وهي موقفة جوا البيت وكانك تسوقين
23-اطلعي وانزلي الدرج عشرين مرة .. منها تتمشين ومنها تنحفين< ذبحتكم القعدة والفضاوة
24-اقعدي على الكومبيوتر وحوسيه زي العادة
25-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلينها وقت طويل عشان ماتتعذب <والله من العطف
26-خذي مجلات قديمة واقعدي قصقصي صور ولزقيها بلوحة (بتطلع المواااااهب)
27-اطلعي حوشكم ..والعبي كورة..وكـسري انوار البيت
موضوع: طريقه لمحاربة الطفش .. 
الأحد أغسطس 24, 2008 1:31 am
